BC Linne Vs. BC Roggel… Soms zitj ut met, mer meistal …

Aafgelaupe Woonsdich aovendj waas ut weer unne speel aovendj veur de manne van BC Roggel. Kort veurdet wae om half 8 biej T vanne B met G zooje verzamele beldje ozze taem captain Bennie ut team rondj. Ut bleek det we 3 oetvallers haaje. Gelukkig kos Joep Oosterbos invalle en koste we op noa Linne.

Naodet ozze taege stanjer zich erg sportief  haet opgesteltj door ut speel sjema aan te passen zaodet wae koste wachten op Fred. Om half 9 begos BC Roggel betoandje oet Fred, Pieter, Joep en Bert teage Linne.

Om un hiel lang en erg pienlik verhaol kort te maken …. 8-0 veur Linne.

Ut Roggelse team haet gein inkele kans op un puntj gehatj. Op alle gebieden haet ut team os gewuujnlikse top niveau neet kenne bereike.

Mer toch wil ich un paar verzachtendje omstandighede aangaeve:

Kleure blintjheid.

As ierste en veurnaamste puntj wil ich ut beklaag doon names os team euver ut gigantische kleurepallet in de zaal.      Wae Roggelse hubbe echt motte zeuke welke liejne we zooje motte gebroeke. Toen we eindelik un badminton veldj herkendje in dees kleure soep, waerdje wae d’r op gewaeze det det de veldje van Dinsdich zeen…. Dit zeen puure misleidense tactieken die bewust zeen aangebracht om de teagestenjer te des orienteere. Wae zeen hiej as team met aope auge ingetraptj!